मिति २०७६।०९।२५ गते प्रेस विज्ञप्ति

आज मिति २०७६।०९।२५ गते ललितपुर चुम्लुङ हिमस्थित केन्द्रीय कार्यालयमा किरात याक्थुङ चुम्लुङ केन्द्रीय सचिवालयको बैठक बसी प्रदेश नं. ३ को नाम पहिचान विरोधी ‘बागमती प्रदेश’ राख्ने राजनीतिक निर्णय आएकोमा हाम्रो गम्भीर ध्यानाकर्षण भएको र उक्त कदमको विरोध गर्ने निर्णय गरिएको यसै विज्ञप्ति मार्फत सबैमा जानकारी गराउँदछौं ।

प्रदेश सभाले नै प्रदेशको नामाकरण टुङ्ग्याउने हो । तर सार्वभौम प्रदेश सभाका सदस्यहरुलाई पार्टीको निर्णय लाद्दै आदिवासी नेवार र तामाङहरुको ऐतिहासिक पुख्यौंली भूमिमा पहिचान विरोधी ‘बागमती प्रदेश’ बनाउन राजनीतिक हस्तक्षेत भएकोमा खेद व्यक्त गर्दछौं ।

यस अघि नामाकरण भएका पहिचान विरोधी प्रदेश नामहरुमा समेत गम्भीर असहमति जाहेर गर्दछौं । बाँकी प्रदेश नामहरु (किरात–लिम्बुवान लगायत) अविलम्ब पहिचानको आधारमा राख्न र सोही प्रकारले प्रदेश नं. ३ को नाम नेवा–ताम्सालिङ राखियोस् भनी जोडदार माग गर्दछौं । साथै नेवा–ताम्सालिङ प्रदेश नामाकरणको पक्षमा भएका संघर्षहरुको कार्यक्रमहरुमा समर्थन र एक्यबद्धता जाहेर गर्दछौं ।

योगराज लिम्बू वनेम

अध्यक्ष, केन्द्रीय कार्य समिति