ᤓᤍᤪᤐᤢᤷ,ᤆᤧᤖᤧᤱᤏᤠᤶ ᥇᥈ ᤕᤧᤴ॥ ᤏᤠᤈᤶᤔᤡᤒᤠ ᤋᤢᤳᤋᤢ ᤖᤁᤶ ᤆᤧᤶᤈᤱᤖᤧ ᤁᤢᤍᤢᤶ ᤋᤖᤣᤒᤠᤀᤥ ᤁᤡᤖᤠᤋ᤻ ᤕᤠᤰᤌᤢᤱ ᤆᤢᤶᤗᤢᤱᤖᤧ ᥇᥈ ᤛᤡᤃᤣ᤺ᤰᤐᤠ ᤕᤠᤰᤐᤱᤃᤧᤴ ᤐᤕᤶᤔᤠᤕᤧᤈᤢᤶᤗᤢᤱ ᤔᤧᤆᤡ ᤖᤱᤃᤛᤠᤗᤠᤀᤥ ᤕᤠᤰᤌᤢᤱ ᤕᤠᤰᤐᤱᤃᤧᤴ ᤔᤢᤰᤗᤠ ᤁᤣ ᤔᤢᤰᤂᤢᤀᤠᤱ ᤛᤢᤏᤥ ᤏᤠᤜᤴ ᤆᤥᤃᤢᤀᤠᤱ ᤘᤠ᤹॥

ᤁᤡᤖᤠᤋ᤻ ᤕᤠᤰᤌᤢᤱ ᤆᤢᤶᤗᤢᤱᤖᤧ ᤁᤢᤕᤢᤰᤛᤡᤱ ᤑᤥ᤹ᤌᤥᤛᤢᤎᤡᤶᤒᤠ ᤋᤢᤶᤒᤠᤠ ᤋᤖᤣᤒᤠ ᤆᤧᤶᤈᤱᤖᤧ ᤁᤡᤖᤠᤋ᤻ ᤕᤠᤰᤌᤢᤱ ᤆᤢᤶᤗᤢᤱ ᤂᤠᤶᤒᤥ᤺ᤱᤒᤠ ᤌᤰᤛᤠᤱᤖᤧ ᤁᤢᤗᤡ᤺ᤴ ᤀᤥ ᤑᤠ᤹ᤀᤠᤱ ᤁᤢᤏᤡᤱᤘᤠ᤹ ᤐᤠ᤺ᤴ ᤕᤢᤰᤂᤢᤖ ᤋᤃᤠᤱ ᤐᤠ᤺ᤳᤋᤢ, "ᤁᤡᤖᤠᤠᤋ᤻ ᤕᤠᤰᤌᤢᤱ ᤆᤢᤶᤗᤢᤱᤖᤧ ᤁᤢᤗᤠᤶᤗᤥᤀᤥ ᤏᤧᤐᤠᤸ ᤂᤠᤶᤒᤥ᤺ᤱᤒᤠ ᤐᤠᤱᤒ᤺ᤶᤒᤠ ᤐᤕᤶᤆᤢᤶᤓᤥ ᤆᤥ᤺ᤰᤜᤢᤵ ᤐᤥ᤺ᤰᤂᤧ॥ ᤏᤧᤐᤠᤸᤀᤥ ᤂᤠᤶᤒᤥ᤺ᤱᤒᤠ ᤌᤏᤠᤛᤥᤔᤠ ᤏᤢ ᤌᤰᤛᤠᤱ ᤜᤣ᤺ᤰᤕᤠᤶ ᤋᤃᤠᤠᤱ ᤐᤥᤖᤐᤳ॥" ᤋᤢᤳᤋᤢ ᤆᤧᤶᤈᤥ᤺ᤱᤖᤧ ᤋᤃᤠᤠᤱ ᤐᤠ᤺ᤳᤋᤢ, "ᤆᤢᤶᤗᤢᤱᤖᤧ ᤁᤢᤛᤡ ᤁᤢᤍᤠᤠᤖᤠᤵ ᤕᤠᤰᤌᤢᤱ ᤗᤠᤈᤣ᤹ ᤗᤡᤶᤒᤢᤘᤠᤴ ᤕᤢᤰᤛᤡᤱ ᤆᤥ᤺ᤰᤔᤠ ᤀᤥᤏᤧ ᤑᤃᤖ ᤔᤢᤰᤁᤢᤶᤗᤢᤱ ᤜᤧᤰᤁᤣᤒᤠ ᤔᤢᤴᤎᤢᤔᤡ ᤏᤢ ᤛᤠᤵᤔᤢᤴᤎᤢᤶᤔᤡᤒᤠ ᤋᤧᤴᤜᤠ᤹ ᤛᤧ᤺ᤵᤔᤠᤛᤡ ᤖᤥ॥ ᤗᤡᤶᤒᤢᤘᤠᤴ ᤕᤢᤰᤛᤡᤱ ᤛᤣ᤺ᤰᤛᤡᤱ ᤗᤠᤶᤒᤠᤖᤧ ᤁᤢᤗᤧᤰᤘᤠ ᤌᤰᤛᤠᤱ ᤗᤠᤶᤒᤠ ᤐᤥ᤺ᤱ, ᤂᤧᤸᤗᤧ ᤆᤥᤃᤢᤸᤗᤧ ᤌᤰᤛᤠᤠᤱ ᤆᤥ᤺ᤰᤔᤠ ᤗᤧᤵᤔᤠ ᤔᤧᤏᤢ᤹ᤏᤧᤴ॥"